Rodrigo: Endi mendan ko‘proq narsa kutishadi

"Real"ning braziliyalik hujumchisi Rodrigo Goes hamyurti Vinisius Juniorning jarohatiga munosabat bildirdi.

"Vinisiusning jarohatidan keyin endi mendan ko‘proq narsa kutiladi. Men uning jarohatidan xafa bo‘ldim. Braziliya terma jamoasini Argentinaga qarshi muhim uchrashuv kutib turibdi. Bu uchrashuvda jamoalarning bir-biriga bo‘lgan hurmati katta ahamiyatga ega bo‘ladi", - deya hujumchining so‘zlarini keltiradi "Mundo Deportivo".

Oldinroq Vinisius jarohati 2,5 oy maydonga tusha olmasligi ma’lum bo‘lgandi.

Braziliya va Argentina terma jamoalari o‘rtasidagi JCH-2026 saralash bosqichi doirasidagi uchrashuv 22 noyabr kuni bo‘lib o‘tadi va Toshkent vaqti bilan soat 05:30da boshlanadi.