Vinisius uchun yil tugadi

"Real" vingeri Vinisius Junior 6 haftaga safdan chiqdi. Jurnalist Mario Kortexana bergan ma’lumotlarga ko‘ra, Braziliya terma jamoasi futbolchisi jarohat olgan, bu esa uni bir oydan ko‘proq vaqtga o‘yindan chetda qoldiradi.

Vinisius sonidan jarohat olgan. Bu haqda "Real Madrid" rasmiy sayti xabarida aytildi. Shu tariqa, Vinisius 2023-yilning qolgan qismini o‘tkazib yuboradi va bu davrda "Real"ga yordam bera olmaydi.

Joriy mavsumda Vinisius Ispaniya chempionatida o‘nta o‘yinda maydonga tushib, to‘rtta gol urdi va bitta golli uzatmani amalga oshirdi. 23 yoshli braziliyalik futbolchi "Real"dagi oltinchi mavsumini o‘tkazmoqda.